2010, സെപ്റ്റംബർ 16, വ്യാഴാഴ്‌ച
ജീവന്റെ (പത്രക്കാരുടെ) വില
വന്‍ ദുരന്തമുണ്ടായാല്‍ പോലും സമയത്തിന്‌ സ്ഥലത്തെത്താത്ത ഫയര്‍ഫോഴ്‌സ്‌ തക്കസമയത്ത്‌ പാഞ്ഞെത്തി കാക്കയെ രക്ഷിച്ചു. കൂറ്റന്‍ പരസ്യ ബോര്‍ഡിലെ കമ്പിയില്‍ ഒരു മണിക്കൂറിലേറെ കുരുങ്ങിയ കാക്കയെയാണ്‌ ഫയര്‍ഫോഴ്‌സ്‌ എത്തി രക്ഷിച്ചത്‌. തലശ്ശേരി പഴയ ബസ്‌സ്റ്റാന്റിലെ പ്രസ്‌ ഫോറം ഓഫീസിന്‌ മുന്നിലെ കോണ്‍ക്രീറ്റ്‌ സ്ലാബിന്‌ മേലെ ഉയര്‍ത്തിയ കൂറ്റന്‍ പരസ്യ ബോര്‍ഡിലെ കമ്പിയില്‍പെട്ട തായിരുന്നു കാക്ക. ഇന്നലെ കാലത്താണ്‌ കാക്ക കമ്പിയില്‍ കുടുങ്ങിയത്‌. സംഭവം ശ്രദ്ധയില്‍പെട്ട മാധ്യമ പ്രവര്‍ത്തകര്‍ കാക്കയെ രക്ഷിക്കാന്‍ നടത്തിയ ശ്രമം വിഫലമായി. ഒടുവില്‍ തലശ്ശേരി ഫയര്‍ഫോഴ്‌സില്‍ വിവരമറിയിച്ചതിനെ തുടര്‍ന്ന്‌ ഉടന്‍ കുതിച്ചെത്തിയ സംഘത്തിലെ ലീഡിങ്ങ്‌ ഫയര്‍മേന്‍ എന്‍.പി.ശ്രീധരനും ഫയര്‍മേന്‍ കെ.ബൈജുവും ബോര്‍ഡിന്‌ മുകളില്‍ കയറി കാക്കയെ രക്ഷപ്പെടുത്തുകയായിരുന്നു.
ഇതിനായി സബ്‌സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള്‍ (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ