കോടീശ്വരന്‍മാരുടെ നാട്‌

ആഗോള സാമ്പത്തിക പ്രതിസന്ധിക്കിടെയും കഴിഞ്ഞ വര്‍ഷം സൗദിയില്‍ കോടീശ്വരന്‍മാരുടെ എണ്ണം വര്‍ധിച്ചുവെന്ന്‌ റിപ്പോര്‍ട്ട്‌. കഴിഞ്ഞ വര്‍ഷാവസാന കണക്കനുസരിച്ച്‌ സൗദി കോടീശ്വരന്‍മാരുടെ എണ്ണം 1,04,700. 2008 നെ അപേക്ഷിച്ച്‌ സൗദിയില്‍ ധനാഢ്യരുടെ എണ്ണത്തില്‍ 14.3 ശതമാനം വര്‍ധന. ബഹ്‌റൈനിലും അതിസമ്പന്നരുടെ എണ്ണത്തില്‍ വര്‍ധനവുണ്ടായിട്ടുണ്ട്‌. ബഹ്‌റൈനില്‍ 5400 കോടീശ്വരന്‍മാരാണുള്ളത്‌. 2008 നെ അപേക്ഷിച്ച്‌ 7.2 ശതമാനം അധികം. പക്ഷേ യു.എ.ഇയില്‍ പണക്കാരുടെ എണ്ണം കഴിഞ്ഞ വര്‍ഷം 18.8 ശതമാനം കുറഞ്ഞു. 2008 വര്‍ഷാവസാനത്തെ കണക്കനുസരിച്ച്‌ യു.എ.ഇയില്‍ 54,500 അതിസമ്പന്നരുണ്ട്‌. ആഗോള തലത്തില്‍ ധനാഢ്യരുടെ എണ്ണം കഴിഞ്ഞ വര്‍ഷം 17.1 ശതമാനം വര്‍ധിച്ച്‌ ഒരു കോടിയായി ഉയര്‍ന്നു. ഇവരുടെ ആകെ സമ്പത്ത്‌ 18.9 ശതമാനം വര്‍ധിച്ച്‌ 39 ട്രില്യണ്‍ (ഒരു ട്രില്യണ്‍=ഒരു ലക്ഷം കോടി ഡോളര്‍) ആയി ഉയര്‍ന്നു.