2010, ജൂൺ 29, ചൊവ്വാഴ്ച
അനാഥരായി വൂവുസേലകള്‍
ലോകകപ്പില്‍ ആതിഥേയരായ ദക്ഷിണാഫ്രിക്കയുള്‍പ്പെടെ അഞ്ച്‌ ആഫ്രിക്കന്‍ ടീമുകള്‍ പുറത്തായതോടെ വൂവുസേലകളുടെ ശക്തി ചോരുന്നു. മത്സരത്തിന്റെ തുടക്കത്തില്‍ ചൂടപ്പം പോലെ വിറ്റഴിച്ച ഈ സംഗീതോപകരണം ഇപ്പോള്‍ കടകളില്‍ കെട്ടിക്കിടക്കുകയാണ്‌. വില 60-70 റാന്റില്‍നിന്ന്‌ -400 രൂപയോളം- 30 റാന്റായി ഇടിയുകയും ചെയ്‌തു. കെട്ടുകണക്കിന്‌ വൂവുസേല സ്റ്റോക്ക്‌ ചെയ്‌തവര്‍ ഇതോടെ ആധിയിലായി. ദക്ഷിണാഫ്രിക്കയില്‍നിന്ന്‌ മടങ്ങുന്നവര്‍ ഓര്‍മക്കായി ഈ ലോകകപ്പിന്റെ ഓര്‍മക്കായി നാട്ടിലേക്ക്‌ തിരിക്കുമ്പോള്‍ വൂവുസേലകള്‍ വാങ്ങിക്കൂട്ടുമെന്ന പ്രതീക്ഷയിലാണ്‌ കച്ചവടക്കാര്‍.
