2010, ജൂലൈ 8, വ്യാഴാഴ്‌ച
ടൈം മാഗസിന്‍ `വിഡ്‌ഢി'കളോട്‌ ക്ഷമ ചോദിച്ചു
ഇന്ത്യന്‍ വംശജരെ വംശീയമായി അധിക്ഷേപിക്കല്‍ ഇന്നൊരു ഫാഷനായി മാറിയിട്ടുണ്ട്‌. ടൈം മാഗസിനും നടത്തി ഇത്തരമൊരെണ്ണം. പ്രതിഷേധം ഉയര്‍ന്നപ്പോള്‍ ക്ഷമ ചോദിച്ചു തടിതപ്പുകയും ചെയ്‌തു. അമേരിക്കയിലെ ഇന്ത്യന്‍ വംശജരെക്കുറിച്ച്‌ ജോയല്‍ സ്റ്റെയിന്‍ എഴുതിയ ഹാസ്യ കോളത്തിലായിരുന്നു വിവാദ പരാമര്‍ശം. ടൈം മാഗസിന്‍ മാപ്പു പറയണമെന്ന്‌ ഇന്ത്യന്‍ വംശജര്‍ മുറവിളി കൂട്ടി. എന്റെ സ്വന്തം സ്വകാര്യ ഇന്ത്യ എന്ന പേരില്‍ വന്ന ലേഖനത്തില്‍ ജോയല്‍ പ്രതിപാദിക്കുന്നത്‌ തന്റെ സ്വന്തം നാടായ ന്യൂജേഴ്‌സിയിലെ എഡിസണ്‍ നഗരം ഇന്ത്യന്‍ കുടിയേറ്റക്കാരാല്‍ നിറഞ്ഞതിനെ കുറിച്ചാണ്‌. ഇവിടുത്തെ അഞ്ചില്‍ ഒരു ഭവനം ഇന്ത്യന്‍ വംശജരുടേതാണ്‌.`ഇന്ത്യക്കാര്‍ ബുദ്ധിമാന്‍മാരാണെന്നാണ്‌ കുറച്ചുകാലത്തേക്ക്‌ ഞങ്ങള്‍ വിചാരിച്ചിരുന്നത്‌. എന്നാല്‍ 1980 ഓടെ ഇന്ത്യന്‍ വംശജരായ ഡോക്‌ടര്‍മാരും എന്‍ജിനീയര്‍മാരും അവരുടെ വ്യാപാരികളായ സഹോദരന്‍മാരെ ഇവിടെ കൊണ്ടുവന്നു. 1990 ആയതോടെ അത്ര ബുദ്ധിമാന്‍മാരല്ലാത്ത വ്യാപാരികള്‍ അവരുടെ അത്രതന്നെ ബുദ്ധിതെളിയാത്ത സഹോദരന്‍മാരെ കൊണ്ടുവന്നു. അതോടെ ഞങ്ങള്‍ മനസ്സിലാക്കാന്‍ തുടങ്ങി, ഇന്ത്യ എങ്ങനെ ഇത്ര ദരിദ്രമായെന്ന്‌.' ഇതായിരുന്നു ജോയലിന്റെ ലേഖനത്തിലെ വിവാദ പരാമര്‍ശം.
ഇതിനായി സബ്‌സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള്‍ (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ