തടവുകാരന്‍ ശരീരത്തില്‍ ഒളിപ്പിച്ച്‌ ജയിലിലേക്ക്‌ കടത്താന്‍ ശ്രമിച്ച മൊബൈല്‍ ഫോണ്‍ ശസ്‌ത്രക്രിയയിലൂടെ പുറത്തെടുത്തു. മൊബൈല്‍ ഫോണ്‍ പുറത്തെടുക്കാനുള്ള ശ്രമം പരാജയപ്പെട്ടതിനെ തുടര്‍ന്ന്‌ തടവുകാരന്‍ ജയില്‍ വകുപ്പധികൃതരെ വിവരമറിയിക്കുകയായിരുന്നു. ഉടന്‍ തന്നെ കിംഗ്‌ ഫഹദ്‌ ആശുപത്രിയില്‍ പ്രവേശിപ്പിച്ച്‌ അടിയന്തര ശസ്‌ത്രക്രിയ നടത്തി മൊബൈല്‍ ഫോണ്‍ പുറത്തെടുത്തു. ജയിലിലേക്ക്‌ മൊബൈല്‍ ഫോണുകള്‍ കടത്താനുള്ള തടവുകാരുടെ നിരവധി ശ്രമങ്ങള്‍ അടുത്ത കാലത്ത്‌ സുരക്ഷാ ഉദ്യോഗസ്ഥര്‍ പരാജയപ്പെടുത്തിയിട്ടുണ്ടെന്ന്‌ അധികൃതര്‍ പറഞ്ഞു. മാസത്തില്‍ നിശ്ചിത ദിവസം ഭാര്യമാര്‍ക്കൊപ്പം കഴിയാന്‍ തടവുകാരെ അനുവദിക്കാറുണ്ട്‌. ഇത്‌ പ്രയോജനപ്പെടുത്തി തിരിച്ചുവരുമ്പോഴാണ്‌ തടവുകാര്‍ മൊബൈല്‍ ഫോണ്‍ കടത്താന്‍ ശ്രമിക്കുന്നത്‌.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ