2010, ജൂലൈ 21, ബുധനാഴ്‌ച
റിബെറിക്കെതിരെ ജുഡീഷ്യല്‍ അന്വേഷണം
പ്രായപൂര്‍ത്തിയാകാത്ത അഭിസാരികയുമായി ലൈംഗിക ബന്ധത്തിലേര്‍പ്പെട്ട കേസില്‍ ഫ്രഞ്ച്‌ ഫുട്‌ബോള്‍ താരം ഫ്രാങ്ക്‌ റിബെറിക്കെതിരെ ജുഡീഷ്യല്‍ അന്വേഷണം. പാരീസിലെ പബ്ലിക്‌ പ്രോസിക്യൂട്ടര്‍ ഓഫീസാണ്‌ ഇക്കാര്യം വെളിപ്പെടുത്തിയത്‌. കേസന്വേഷണത്തിന്റെ ഭാഗമായി പോലീസ്‌ റിബെറിയെ മണിക്കൂറുകളോളം ചോദ്യം ചെയ്‌തിരുന്നു.തെളിയിക്കപ്പെട്ടാല്‍ മൂന്ന്‌ വര്‍ഷം വരെ തടവും 45,000 യൂറോ പിഴയും ലഭിക്കാവുന്ന കുറ്റമാണിത്‌. അഭിസാരികയുടെ പ്രായം പ്രതിക്ക്‌ നേരത്തെ അറിയാമായിരുന്നുവെന്ന്‌ തെളിയിക്കുകയാണ്‌ കേസില്‍ നിര്‍ണായകം. എന്നാല്‍ പെണ്‍കുട്ടിക്ക്‌ 18 വയസ്സായില്ലെന്ന കാര്യം തന്റെ കക്ഷിക്ക്‌ അറിയില്ലായിരുന്നുവെന്ന്‌ റിബെറിയുടെ അഭിഭാഷക വാദിച്ചു. മറ്റൊരു ഫ്രഞ്ച്‌ താരം കരീം ബെന്‍സീമയും ഇതേ കേസില്‍ പ്രതിയാണ്‌.
ഇതിനായി സബ്‌സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള്‍ (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ