2010, ജൂലൈ 16, വെള്ളിയാഴ്‌ച
നീരാളിക്ക്‌ രാഷ്‌ട്രീയവും പത്ഥ്യം
ലോകകപ്പ്‌ പ്രവചന വീരന്‍ `പോള്‍ നീരാളി'ക്ക്‌ രാഷ്‌ട്രീയ പ്രവചനവും. റഷ്യയിലെ അടുത്ത പ്രസിഡന്റ്‌ ആരാകുമെന്നാണ്‌ ജര്‍മനിയിലെ അക്വേറിയത്തില്‍ കഴിയുന്ന നീരാളി പ്രവചിച്ചിരിക്കുന്നതെന്ന്‌ റഷ്യയിലെ പ്രമുഖ പത്രമായ പ്രവ്‌ദ റിപ്പോര്‍ട്ട്‌ ചെയ്‌തു. എന്നാല്‍ നീരാളിയുടെ ഉത്തരമെന്താണെന്ന്‌ മാത്രം പത്രം പുറത്തു പറയുന്നില്ല. 2012 ല്‍ നടക്കാനിരിക്കുന്ന പ്രസിഡന്റ്‌ തെരഞ്ഞെടുപ്പു വരെ ആ ഉത്തരം രഹസ്യമാക്കിവെക്കുമെന്നാണ്‌ പത്രം പറയുന്നത്‌. പ്രവ്‌ദയുടെ ജര്‍മനിയിലെ റിപ്പോര്‍ട്ടര്‍ പോളിനെ സമീപിച്ചാണ്‌ പ്രവചിപ്പിച്ചത്‌. റഷ്യന്‍ പ്രധാനമന്ത്രി വ്‌ളാദിമിര്‍ പുട്ടിന്റെയും പ്രസിഡന്റ്‌ ദിമിത്രി മെദ്‌വദേവിന്റെയും പേരുകളാണ്‌ നീരാളിക്ക്‌ നല്‍കിയത്‌. നീരാളി ഒരാളുടെ പേര്‌ കണ്ടെത്തി. പക്ഷേ, പ്രവ്‌ദ അത്‌ പുറത്തു വിടില്ല. രണ്ടു വര്‍ഷത്തിന്‌ ശേഷം നടക്കുന്ന തെരഞ്ഞെടുപ്പില്‍ പ്രസിഡന്റ്‌ സ്ഥാനത്തേക്ക്‌ മല്‍സരിക്കുമെന്ന്‌ ഇരു നേതാക്കളും നേരത്തെ വ്യക്തമാക്കിയിട്ടുണ്ട്‌. ഇവരുടെ ജനപ്രീതിയെ കുറിച്ച്‌ റഷ്യയില്‍ അഭിപ്രായ വോട്ടെടുപ്പുകള്‍ തുടങ്ങിക്കഴിഞ്ഞു.
ഇതിനായി സബ്‌സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള്‍ (Atom)
ഹ ഹ..പൌള്‍ ആണ് താരം..
മറുപടിഇല്ലാതാക്കൂ