2010, ജൂലൈ 7, ബുധനാഴ്‌ച
മഴക്ക്‌ ശക്തിപകരാന്‍ `പെണ്‍കുട്ടി' വരുന്നു
ഏഷ്യയില്‍ പെരുംമഴക്ക്‌ സാധ്യത. മണ്‍സൂണ്‍ കാലത്ത്‌ ശക്തമായ മഴക്ക്‌ വഴിയൊരുക്കുന്ന പ്രതിഭാസം കടലില്‍ രൂപം കൊള്ളുന്നു. ഏഷ്യന്‍ രാജ്യങ്ങളിലും കിഴക്കന്‍ ഓസ്‌ട്രേലിയയിലും ഇത്‌ വരുംമാസങ്ങളില്‍ ശക്തമായ മഴക്ക്‌ കാരണമാകുമെന്ന്‌ ലോക കാലാവസ്ഥാ നിരീക്ഷണ സംഘടന (ഡബ്ല്യു.എം.ഒ.) അറിയിച്ചു. `ലാ നിന' എന്ന ഈ സമുദ്രാന്തരീക്ഷ പ്രതിഭാസഫലമായി ഇന്ത്യയില്‍ കൂടുതല്‍ മഴക്ക്‌ സാധ്യതയുണ്ടത്രേ.സ്‌പാനിഷ്‌ പദമായ `ലാ നിന'യുടെ അര്‍ഥം പെണ്‍കുട്ടിയെന്നാണ്‌. `എല്‍ നിനോ' പ്രതിഭാസത്തിന്‌ വിരുദ്ധമാണ്‌ `ലാ നിന'.`എല്‍ നിനോ' എന്നാല്‍ ആണ്‍കുട്ടി. ശക്തമായ എല്‍ നിനോയുടെ തുടര്‍ച്ചയാണ്‌ ലാ നിന.2009 അവസാനം പ്രത്യക്ഷപ്പെട്ട എല്‍നിനോ ഘട്ടംഘട്ടമായി ക്ഷയിച്ച്‌ കഴിഞ്ഞ മെയ്‌ മാസത്തോടെ അപ്രത്യക്ഷമായി. അതാണ്‌ ഇപ്പോള്‍ ശാന്തസമുദ്ര തീരത്തെ ഉഷ്‌ണമേഖലാ രാജ്യങ്ങളില്‍ ലാ നിനയുടെ വരവിന്‌ ഇടയാക്കിയത്‌. അറ്റ്‌ലാന്റിക്‌ തീരത്തെ ഉഷ്‌ണമേഖലാ രാജ്യങ്ങളില്‍ ശക്തമായ ചുഴലിക്കാറ്റിനും ലാ നിന കാരണമാകാനും സാധ്യതയുണ്ട്‌.എന്നാല്‍ ലാ നിന എപ്പോള്‍ എത്തുമെന്ന്‌ വ്യക്തമായി പറയാന്‍ കഴിയില്ലെന്ന്‌ ഡബ്ല്യു.എം.ഒ. വക്താവ്‌ രൂപകുമാര്‍ കോഹ്‌ലി പറഞ്ഞു.
ഇതിനായി സബ്‌സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള്‍ (Atom)
പിന്നേ ആൺകുട്ടി വന്നിട്ടൊന്നും സംഭവിച്ചില്ല. പിന്നല്ലേ പെൺകുട്ടി... എങ്കിലുമൊരു പേടിയില്ലാതില്ല. പെണ്ണൊരുമ്പെട്ടാൽ!!!!!
മറുപടിഇല്ലാതാക്കൂ