ഇന്ത്യന്‍ മഹാസമുദ്രത്തിലെ ജലനിരപ്പ്‌ ക്രമാതീതമായി ഉയരുന്നു. കൊളറാഡോ സര്‍വകലാശാലയില്‍ അന്തരീക്ഷ ഗവേഷണ വിഭാഗം നടത്തിയ പഠനത്തിലാണ്‌ സമുദ്രനിരപ്പ്‌ ഉയരുന്നത്‌ കണ്ടെത്തിയത്‌. ഇന്ത്യ, ബംഗ്ലാദേശ്‌, മാലദ്വീപ്‌, ശ്രീലങ്ക തുടങ്ങിയ രാജ്യങ്ങളാണ്‌ ഭീഷണിയെ അഭിമുഖീകരിക്കുന്നത്‌. ഇന്ത്യന്‍ മഹാസമുദ്രത്തിലും ബംഗാള്‍ ഉള്‍ക്കടലിലും അറബിക്കടലിലും സമുദ്രനിരപ്പ്‌ ഉയരുന്നുണ്ടെന്നാണ്‌ കണ്ടെത്തിയത്‌. ശ്രീലങ്ക, സുമാത്ര, ജാവ തുടങ്ങിയ ദ്വീപുകള്‍ക്കാണ്‌ ഇത്‌ കടുത്ത ഭീഷണിയുയര്‍ത്തുക. കാലാവസ്ഥാ വ്യതിയാനം തന്നെയാണ്‌ സമുദ്രനിരപ്പ്‌ ഉയരാനിടയാക്കുന്നതെന്നാണ്‌ കണ്ടെത്തല്‍. മണ്‍സൂണ്‍ കാലത്ത്‌ ജലനിരപ്പ്‌ കൂടുതലായി ഉയരുന്നതായും ഇത്‌ ഇന്ത്യക്കും ബംഗ്ലാദേശിനുമാണ്‌ കൂടുതല്‍ പ്രശ്‌നം സൃഷ്‌ടിക്കുകയെന്നും പഠനത്തില്‍ പറയുന്നു. ആഗോള കാലാവസ്ഥയെ ഈ പ്രതിഭാസം ബാധിക്കുകയും ചെയ്യും.
ഇതിനായി സബ്‌സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള്‍ (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ