2010, ജൂലൈ 16, വെള്ളിയാഴ്‌ച
റബര്‍ കള്ളന്‍ റബര്‍ തോട്ടം ഉടമ
റബര്‍ തോട്ടം ഉടമ റബര്‍ഷീറ്റ്‌ മോഷണത്തിന്‌ പിടിയില്‍. പത്തനംതിട്ട റാന്നി അത്തിക്കയം കണ്ണമ്പള്ളി ഇടിമണ്ണിക്കല്‍ ഷിബു (39) ആണ്‌ അറസ്റ്റിലായത്‌. കണ്ണമ്പള്ളി പുന്നമൂട്ടില്‍ പി.വി. തോമസിന്റെ റബര്‍ പുകപ്പുര കുത്തിത്തുറന്നതിനാണ്‌ പിടിയിലായത്‌. പൂട്ടുപൊളിക്കുന്ന ശബ്‌ദംകേട്ട്‌ വീട്ടുകാര്‍ ഉണര്‍ന്നതോടെ മോഷ്‌ടാക്കള്‍ ഓടിയെങ്കിലും അയല്‍വാസി ചീങ്കയില്‍ ജോണിന്റെ കിണറ്റില്‍നിന്നും ഒരു അലര്‍ച്ച കേട്ടു. തുടര്‍ന്ന്‌ നടത്തിയ അന്വേഷണത്തില്‍ ഷിബുവിനെ കിണറ്റില്‍ കണ്ടെത്തുകയായിരുന്നു. മോഷണ വിവരം അറിയിച്ചതോടെ പെരുനാട്‌ പോലീസെത്തി. അര കിലോമീറ്ററിനപ്പുറം താമസിക്കുന്ന രണ്ടേക്കറിലധികം റബര്‍തോട്ടം ഉള്ള ഷിബുവിനെ കണ്ട്‌ നാട്ടുകാര്‍ ശരിക്കും ഞെട്ടി. കിണറ്റില്‍നിന്നും പുറത്തെടുത്ത ഷിബുവിനെ റാന്നി താലൂക്ക്‌ ആശുപത്രിയിലെത്തിച്ചു. മോഷണത്തിന്‌ ഷിബുവിനൊപ്പം ഉണ്ടായിരുന്ന പുല്ലിക്കല്ല്‌ സ്വദേശി ബിജുവിനെ പോലീസ്‌ തെരയുന്നു.
ഇതിനായി സബ്‌സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള്‍ (Atom)
വെറുമൊരു മോഷ്ടാവായോരെന്നെ കള്ളനെന്നുവിളിച്ചില്ലേ.....?
മറുപടിഇല്ലാതാക്കൂഅതാണ്ട കള്ളന്‍
മറുപടിഇല്ലാതാക്കൂ