ആരാണ്‌ കേമന്‍? വെറുമൊരു നീരാളിയോ. കാര്യമെന്തായാലും പോള്‍ എന്ന നീരാളി ഈ ലോകകപ്പോടെ ലോകപ്രശസ്‌തനായിരിക്കുകയാണ്‌. ജര്‍മനിയിലെ ഒരു മ്യൂസിയത്തില്‍ കഴിയുന്ന നീരാളി വിജയികളെ കൃത്യമായി പ്രവചിച്ചുകൊണ്ട്‌രി‍ക്കുന്നു. ജര്‍മനി കളിച്ച ആറ്‌ മത്സരങ്ങളുടെയും ഫലം പോള്‍ കൃത്യമായി പ്രവചിച്ചു. അക്വേറിയത്തില്‍ സൂക്ഷിച്ചിട്ടുള്ള നീരാളിക്ക്‌ രണ്ട്‌ പെട്ടികളില്‍ ഭക്ഷണം നല്‍കിക്കൊണ്ടാണ്‌ സംഘാടകര്‍ പ്രവചനം സാധ്യമാക്കിയത്‌. പെട്ടികളില്‍ ഒന്നില്‍ ജര്‍മനിയുടെയും മറ്റേതില്‍ എതിര്‍ ടീമിന്റെയും പതാകകള്‍ പതിച്ചിട്ടുണ്ടാവും. പോള്‍ ഏത്‌ പെട്ടി തുറന്നാണോ ഭക്ഷണം അകത്താക്കുന്നത്‌, ആ ടീം ജയിക്കും. ഏറ്റവുമൊടുവില്‍ ജര്‍മനിയും സ്‌പെയിനും സെമിയിലെത്തിയപ്പോള്‍, പോള്‍ തുറന്നത്‌ സ്‌പെയിനിന്റെ പെട്ടിയായിരുന്നു. സ്‌പെയിന്‍ ജയിച്ചു. ഇതിനുമുമ്പ്‌ ഓസ്‌ട്രേലിയ, ഘാന, ഇംഗ്ലണ്ട്‌, അര്‍ജന്റീന എന്നിവരെ ജര്‍മനി നേരിട്ടപ്പോള്‍ പോള്‍ തുറന്നത്‌ ജര്‍മന്‍ പെട്ടിയായിരുന്നു. ജര്‍മനി ജയിക്കുകയും ചെയ്‌തു. സെര്‍ബിയയുടെ പെട്ടി തുറന്നപ്പോള്‍ ജര്‍മനി സെര്‍ബിയയോട്‌ തോറ്റു. പോളിന്റെ പ്രവചനം ജര്‍മന്‍ ചാനലില്‍ തല്‍സമയം ആഘോഷിച്ചിരുന്നു.ശനിയാഴ്‌ച ജര്‍മനിയും ഉറുഗ്വായ്‌യും തമ്മില്‍ നടക്കുന്ന ലൂസേഴ്‌സ്‌ ഫൈനലിന്റെ പ്രവചനവും ഞായറാഴ്‌ചത്തെ സ്‌പെയിന്‍-ഹോളണ്ട്‌ ഫൈനല്‍ പ്രവചനവും സംഘാടകര്‍ ഇന്ന്‌ സംഘടിപ്പിച്ചു. അതിന്റെ ഫലവും പുറത്തുവന്നു, ഫൈനലില്‍ സ്‌പെയിനും ലൂസേഴ്‌സ്‌ ഫൈനലില്‍ ജര്‍മനിയും വിജയിക്കുമത്രേ. കാത്തിരുന്നു കാണാം.
കാത്തിരുന്നു കാണാം..പറഞ്ഞത് പോലെ തന്നെ ഫൈനലിലും നടന്നാല്‍ ഇവന്‍ ഒരു പുലി തന്നെ...
മറുപടിഇല്ലാതാക്കൂപിന്നെ ഇത്തരം പ്രവചനങ്ങള്‍ കളിക്കാരുടെ ആത്മ വീര്യം തകര്‍ക്കും..